சியோமியின் ரெட்மி பிராண்ட் ஏற்கனவே ரெட்மி 10X தொடரை சீனாவில் மே 26 அன்று அறிமுகப்படுத்தும் என்பதை உறுதிப்படுத்தியுள்ளது. மோஷன் மங்கலைத் தவிர்ப்பதற்காக MEMC மோஷன் இழப்பீட்டு அம்சத்துடன் புதிய ரெட்மி X சீரிஸ் ஸ்மார்ட் டிவியை இப்போது உறுதிப்படுத்தியுள்ளது. சில மாதங்களுக்கு முன்பு ரெட்மி ஸ்மார்ட் டிவி மேக்ஸ் என்ற 98இன்ச் 4k டிவி மற்றும் 70இன்ச் டிவியை அறிமுகப்படுத்தியது.
மேலும் ரெட்மிபுக் 13, ரெட்மிபுக் 14 மற்றும் ரெட்மிபுக் 14 Pro ஆகியவற்றை தொடர்ந்து புதிய ரெட்மிபுக் 16.1 ஐ அறிமுகப்படுத்தியுள்ளது. டிஸ்பிளேயில் 3.26 mm மெலிதான பெசல்களைக் கொண்டிருப்பதாகவும், 100% sRGB வண்ண வரம்பு மற்றும் 90% ஸ்கிரீன்-டு-பாடி விகிதத்தை வழங்குவதாகவும் நிறுவனம் உறுதிப்படுத்தியுள்ளது. 16.1 இன்ச் பெரிய ஸ்க்க்ரீன் கொண்ட லேப்டாப் குறுகலான பெசல்கள் காரணமாக 15 இன்ச் கொண்ட பெரும்பாலான லேப்டாப்களைப் போலவே கச்சிதமாக உள்ளது என்று நிறுவனம் தெரிவித்துள்ளது.
இது ஜென் 2 கட்டமைப்பை அடிப்படையாகக் கொண்ட மூன்றாம் தலைமுறை ரைசன் 4000 தொடர் Processor-களால் இயக்கப்படும் மற்றும் மென்மையான கிராபிக்ஸ் செயலாக்கம் மற்றும் நீண்டகால பேட்டரி ஆயுள் ஆகியவற்றை உறுதிப்படுத்துகிறது. ரைசன் 5 மற்றும் ரைசன் 7 விருப்பங்கள் இருக்கலாம்.அடுத்த செவ்வாயன்று அதிகாரப்பூர்வமாக வரும்போது வரும் நாட்களில் கூடுதல் விவரங்கள் மற்றும் முழுமையான விவரக்குறிப்புகள் மற்றும் விலை ஆகியவற்றை நாம் தெரிந்து கொள்ளளாம்.
